Duga-dugin dogewa
Dagirgirin dagewa
Dogarin dakatarwa
damarar daurawa
daurin butar malam ba walawa
Dubu karamin laujen silin madambaci
Dumbuji dambun nama ka ci
Dambarwar kacici-kacici
Dubbai na ta laluben kalaci
Dafdalar dillalan dolanci
An san masu kulla munafunci
Makirai masu makirci
Da suka jefa jama’a a kunci
Dabarbarun dabbanci
Kasuwancin kaso-kason wawanci
Masu fuka-fukin fatauci
Sun fatattakin talauci
Wasu na sana’ar dukanci
Jimar fata na kawar da kaskanci
A zaburi aura ban da sokwanci
Shan sholishon shashanci
Tabar harawa na sa ai sakarci
Hodar ibilis jigon ibilisanci
Shaye-shaye da romon iskanci
kwayoyin mamaye kwanyar lalaci
A dai kiyayi tumasanci
Ai fafutikar kwatar ’yanci
Ban da tabarar dabbanci
Ko waskiyar wawanci
Tunkurar takurar Turanci
Bankar hayakin buki
Sai kauran karyar yaki
Ya kakaba tagiyar saki
In aka ce ya ja baki
Sai ya ce haruffa sun yi baki-baki
Dubu karamin laujen silin tukunyar dambu
karma-karma an garkameta da gambu
Mu yunkura da aikin lambu
’Yan dugwi-dugwi ai musu bambu
An dabbaka aiki marar aibu
Lallai kada ai kasala
bata-gari sun sa an hassala
Domin sun yada badala
Sun fetsare da tsallen tsula
Sun jefa jama’a a wahala
Amalala
Ya tsula
Ya kuma tsulawa da ya lula
Kayan dauda a jefa gassala
Harhado da atamfar kamfala
A wannan sabuwar shekara
Mu saurari carar zakara
Kar ai mana kakara
Matsaloli za su daina faskara
A shawo kan masu kangara
Tuni nasan an kagara
Aika-aika na da matukar gundura
Sai a daura damara
Matsaloli su sha makara
kalubale ya zam abin tunkara
A dadddage
A dadddage
barna ta rududdge
Artabun bera da mage
Laulayin hankaka da jemage
Siyasa ana ta kada mata kuge
Wasu na ta shirin yin kage
Don su samu dage-dage
Har su hada da dabge
Jar miya ta fi gaban jajjage
A dai kiyayi masu kwange
Miyagu gwanayen coge
Mai ramar keta lange-lange
Sai a hada shi da sangeJante na yi wa uwar jiki zabge
Masu sake-sake
Da ke leke-leke
A daina feleke
A fito keke-da-keke
A fahimci farfaru da bakake
Gambar wastsattsake na feke
An yi wa juhala kisan mummuke
Adala ta cafke damke
An fasko masu wasa wukake
Fito na kango a make
Jita-jita babu tushe
Asusu ne an wawushe
kiren kanzon kuregen shan taushe
Farautar daji sai Baushe
Rike hawansa Hausar Bahaushe
Barankadamar bargar bisashe
Ta karade kowane sashe
Tsofaffi na taunar daushe
Duk hakora sun dusashe
Wawulo na da magogin murmushe
Zancen marasa kishi ya zam yasashe
Yadda sukai mana kwashe-kwashe
Sun yi nashe-nashe
Sun bar wasu na ta lashe-lashe
karyar karau ta farfashe
Masu hassada da kushe
Da suka sa muna ta a she-a she
Su ke yi wa kasarmu cushe
batan-bakatantan ya sa sun cunkushe
Domin an hasko su gari ya washe
Mu farmaki masu bunburutu
Cinikin mai suka yi wa buruntu
Ana ta yi musu surutu
Batutuwa har a cikin kurtu
Matsalar mai ta sa wasu sun zautu
Halin-burtu
A badda kama ai barna
Zakin zagon kasa sun dana
Baba ya ce ya hana
Sunkurun sagaraftu
Baba yai nadin matattu
An ga kuskure rututu
Na tabbata babu ganganci
An dai so yin wulakanci
An faskomasu kulla kutu-kutu
Ana ta ’yan gyare-gyare
Cike gurbi da wadanda ke raye
An rairaye
Tun daga rana zuwa dare
Kowane tudu da gangare
An kankare
An yi zare-zare
Babu sare-sare
Kowace badakala an warware
An karkare
Dajine damben kutare
Na ga ziryar kadangare
Yai kai-kawo kan kututture
Da tsakar rana ya jure
Har sai da aka karkare
Gayu sun gantsare
Fitinannu sun fetsare
Fandararru sun fandare
Tambadaddu sun tubure
batattu sun botsare
Masu rudani
Cutarku ba ta da magani
Kallon da kuke yi wa shugabanni
Jama’a na yi muku gani-gani
Suka da burtsatsen raunin tunani
Baban-burin-huriyya
Ka damke masu kamuya-muya
kara kaimin aiki a Haurobiya
A yi wa al’umma tarbiyya
Tarairaya na sa ai biyayya
Tsintsiya madaurinki guda
Hada karfin sharar jibar dudduga
Dole sai an ja daga
A daina ganda
kwazon aiki muka gada
An yi karaf-kakkaf
An shammaci masu kwashi kwaraf
Da suka yi wa lalita karkaf
Abn damke su caraf
A kara tsayuwar tsanaki tsaf
Baba saura ’yan zungura
Da suka tursasa rayuwar takura
Al’umma ta sha makura
Tabargazarsu ta ci tura
Lallai a hana su takun bankaura
Matsalar Baban Carin-ciri
Ciyawa yai wa ciron iri
Dukiya yai mata cin birbiri
Na-mujiya aka kura masa kuri
Mahukunta a sa shi a mari
Ta’asar inshora
Uwar jiki al’umma na da shawara
Sharbar shawarmar shirwa shiru
Minista ya ci shiru
Bokan Turai kar ai maka kakara
Kasuwar jaririn jari
Inda ake jalauta jari
Tabargazartunkuzar wando
An jefa ta an Kwando
Binm bahasi kar a bari
Uwargidan asusu
Kinkimi-Adadun Asusu
Kar ki taima wa aikin kusu
Don an yi kurmusu
Kar ai taron shasha da sususu
A duba batun Gwarzon gwaraza
Kurarsa tai gaza
Ya tunkari karzaza
Mai borin barhaza
Da yai ta’asar banza
A fallen sabon babi
Kowane shafi a bi
Ai ta karatun adabi
Daga gobe zuwa jibi
Kyawawan ta’adun su rike kanbi
Al’umma da tai juriya
Dogewar dauriya
Sai tai murmushi da dariya
Himma dai mutan Haurrobiya
Lallai kar mu yarda da wariya
babatun baudiyya
buruntun barauniya
Sakarcin sukuwar godiya
dumamar yanayin dirkaniya
Rukukin rarakar rafkiya
