Dalibin nan da ya kama sana’ar sayar da abinci a sakamakon yajin ASUU, Usman Abubakar-Rimi, ya kwanta dama.
Kafin rasuwarsa, marigayin dalibi ne a ajin karshe a fannin likitanci a Jami’ar Usmanu Danfodiyo ta Sakkwato (UDUS).
Ya kama sana’ar sayar da abinci ne don maganin zaman kashe wando ganin cewa yajin aikin ASUU ya ki ce, ya ki cinyewa.
Abubakar-Rimi ya bude shagon cin abinci ne a birnin Sakkwato inda yake sarrafa rakiyar yara ga mabukata.
Kamfanin Dillancin Labarai na Najeriya (NAN) ya ce, Usman ya rasu ne a ranar Laraba bayan fama da takaitaccen rashin lafiya.
Amma sai a ranar Asabar aka tabbatar wa NAN batun rasuwar, kuma tuni aka yi jana’izar marigayin kamar yadda addinin Musulunci ya tanada a mahaifarsa, Rimi da ke Jihar Katsina.
