Fitaccen mawakin Najeriya, Oluwatobiloba Daniel, da aka fi sani da Kizz Daniel, ya dawo da zafinsa bayan da sabuwar wakarsa da ya saka mai taken ‘Cough’ ta zamo kan gaba a tsakanin takwarorinta.
Kamar dai yadda wakarsa ta ‘Buga’ ta yi kasuwa, haka ma sabuwar wakarsa ta ‘Cough’ ta kama hanya.
- Kannywood: Alan Waka da Abbale sun fito takara a zaben 2023 a ADP
- DAGA LARABA: Yadda aka zalunce mu a bainar jama’a, amma kowa ya kau da kai
Tuni dai kididdga ta nuna wakar ‘Cough’ ce ta daya a cikin jerin wakokin 100 na ’yan Najeriya da suka fi daukar hankali.
A Juma’ar da ta gabata ne aka ga mawakin ya wallafa bidiyon wakar a shafinsa Instagram inda aka gan su suna cashewa da wata mace.
Sabuwar wakar na damfare ne da wani sabon salon rawa ‘Odo’ wanda tuni ya karade masu sha’awar wakokinsa.
