Kotun Tsarin Mulki ta Kuwait ta soke dokar da ta haramta daudanci ko mace ta rika kwaikwayon namiji, wadda kuma ake amfani da ita wajen hukunta ’yan daudu da masu sauya jinsi.
A shekara ta 2007 ne majalisar dokokin kasar ta Kuwait ta gyara dokar wadda a karkashinta duk wanda aka kama da laifi za a iya yi masa hukuncin daurin da ya kai na shekara daya da tara.
- Rikicin APC: Tsagin Shekarau zai daukaka kara bayan hukuncin Kotu
- ’Yan boko ke ganin N5,000 ba za ta kawar da talauci ba —Sadiya
To amma hukuncin da kotun ta yanke a Larabar nan ya ce gyaran da aka yi wa dokar ya saba wa tsarin Mulki kamar yadda BBC ya ruwaito.
Kungiyar kare hakkin dan-Adam ta Amnesty International ta ce hukuncin gagarumar nasara ce ga ‘yancin masu neman jinsi daya da makamantansu a yankin Fasha.
Lynn Maalouf ta kungiyar a yankin Gabas ta Tsakiya ta yi kira da a gaggauta sakin Maha al-Mutairi, mai shekara 40, wani dan daudu da ya mayar da kansa mace, abin da ya sa aka daure shi tare da tara a karkashin dokar.
