’Yan bindiga sun harbe wasu ’yan sanda uku da bindiga har lahira ranar Asabar a Abakaliki, babban birnin Jihar Ebonyi.
Mai magana da yawun ’yan sandan jihar, SP Chris Anyanwu, shi ne ya tabbatar da aukuwar hakan ranar Lahadi Abakaliki.
- Ba mu yarda da tsawaita wa’adin tsohuwar Naira ba —Majalisa
- Hattara da masu yada labaran karya a kan Tinubu —APC
“’Yan bindigar sun zo ne a cikin motoci biyu inda suka ritsa ’yan sandan a bakin aiki a shingen bincike suka bude musu wuta.
“’Yan sanda uku ne suka samu mummunan rauni yayin harin wanda daga bisani aka tabbatar da sun riga mu gidan gaskiya,” in ji Anyanwu.
Ya ce harin ya auku ne a wani kauye da ke kan iyakar Jihar Ebonyi da Enugu.
(NAN)
