Yadda ’yan bindiga suka sace mutum 8 a hanyar kasuwa

’Yan bindiga sun sace wasu mutum 8 a kauyen Owukpa da ke Karamar Hukumar Ogbadibo ta Jihar Binuwai.

Mazauna yankin sun ce ’yan bindiga sun yi wa mutanen kwanton bauna an yi awon gaba da su ne a yammacin ranar Lahadi lokacin da suke dawowa daga kasuwar kauyen Ahor0Ogbo, a kan hanyar Atamka-Ugbugbu, da ke Owukpa.

• JAMB ta kara lokacin yin rajistar masu neman DE
• Yau INEC za ta yi taron gaggawa kan Zaben Adamawa

Tsohon Shugaban Karamar Hukumar Ogbadibo, Prince Samuel Onu, ya tabbatar da faruwar lamarin a lokacin da yake zantawa da ’yan jarida a Makurdi, babban birnin jihar.

Wakiliyarmu ta kira kakakin ’yan sandan jihar Binuwai, SP Catherine Anene, domin samun karin bayani amma jami’ar ba ta amsa wayar ba.