A ranar Larabar nan aka yi jana’izar Hajiya Ladi, matar Gwamnan Jihar Kano na farko, Alhaji Audu Bako, wadda ta rasu tana da shekara 93.
Hajiya Ladi wadda ta rasu bayan fama da jinya, an gudanar da jana’izarta ne a Fadar Sarkin Kano, bayan ta rasu a wani asibiti da ke Kano.
- Kotu ta daure barawon babur wata 9 a gidan yari
- Dan takarar NNPP ya nemi kotu ta hana INEC kammala zaben Doguwa/Tudun Wada
Limamin Fadar Sarkin Kano, Malam Mu’awiya Baba Yaro ne ya jagoranci sallar jana’izar, da misalin karfe 1.50 na rana kafin a kai gawar Makabartar Dandolo da ke Kano.
Mai Martaba Sarkin Kano, Alhaji Aminu Ado Bayero da sauran sarakai da manyan mutane da dama sun halarci jana’izar.
Ga wasu daga cikin hotunan jana’izar:
Sarkin Kano, Alhaji Aminu Ado Bayero, ya halarci jana’izar Hajiya Ladi Audu Bako.
An gudanar da jana’izar a karkashin jagorancin Limamin Fadar Sarkin Kano, Malam Mu’awiya Baba Yaro
Manyan mutane daga bangarori daban-daban sun halarci jana’izar da aka gudanar a Fadar Sarkin Kano.
