Gwamna Jihar Sakkwato, Aminu Waziri Tambuwal ya saukar da shugabannin kananan hukumomin jihar 23 bayan sun shekara biyu suna rikon kwarya.
Gwamnan, a zamansa da Kantomomin Kananan Hukumomin a fadar gwamnatin jihar ranar Jumu’a ya ba da umurnin sauke su daga mukamansu a nan take.
- Sojoji sun kubutar da mutum 10 a hannun ’yan bindiga
- An gurfanar da Matashi saboda cizon Budurwarsa a Mama
- An daure shi a gidan yari saboda zagin tutar China
- An ceto ’yan ci-rani 150 da jirgin ruwa ya kife da su a gabar Spain
Tambuwal ya gode wa tsoffin shugabannin kan aikin da suka yi ya kuma yi alkawarin tafiya da duk wanda bai yi nasara takara neman sake dawowa kujerarsa ba.
“Dukkanku kun sani doka ta tanadi duk wanda zai yi rikon kwarya kar ya wuce wata shidda amma ku kun share shekara biyu.
“Na san wasu daga cikinku na son su yi takara, ina yi maku fatan alheri. Duk a cikinku ko mutum ya yi nasara a zabensa ko bai yi ba, za mu sa shi aiki in dama ta samu.
Ya ce hukumar zabe ta jiha za ta sanar da tsare-tsarenta a lokacin da ya kamata.
