Ana harbe-harbe bayan barkewar wani rikici a safiyar Litinin a yankin Alaba Rago da ke kan Babbar Hanyar Legas zuwa Badagry a Jihar Legas.
Mazauna sun ce wasu fusatttun mutane sun fito kan tituna suna tayoyi , yayin da ake ta jin rugugin harbi a yankin da ke kusa da Jami’ar Jihar Legas (LASU).
- Yadda mutanen gari suka kama ’yan bindiga a Zariya
- Yadda mamayar Boko Haram ta tilasta wa dubban ’yan Geidam barin garinsu
Wasu majiyoyi sun ce lamarin ya samo asali ne bayan sa-toka-sa-katsi tsakanin kungiyar direbobi ta NURTW da masu haya da babura a yankin.
Lamarin dai ya jefa mazauna cikin halin dar-dar, a yayin da aka rufe kofar shiga Jami’ar, wadda ta bukaci dalibai da ma’aikata su ci gaba da kasancewa a cikin harabarta.
Shaidu sun ce, jami’an tsaro na kokarin shawo kan lamarin, kamar yadda bidiyon lamarin da ke yawo a shafukan sada zumunta suka kuma tabbatar.
