✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Kasashe 10 mafi kwarewa a jadawalin FIFA

Super Eagles wadda Jose Pesseiro ke jan ragama ta yi kasa a jadawalin.

Argentina ta koma ta daya a kan jadawalin kasashen da ke kan gaba ta fuskar kwarewa wajen taka leda a duniya kamar yadda FIFA ta sanar.

Karon farko da Argentina ta hau kan wannan matakin tun bayan shekara shida, wadda ta lashe Kofin Duniya a Qatar a 2022.

Argentina ta samu wannan ci gaban bayan nasara biyu a wasan sada zumunta da ta ci Panama da Curacao, yayin da ita kuwa Brazil rashin nasara ta yi a hannun Morocco.

Faransa, wadda ta doke Netherlands da Jamhuriyar Ireland a wasannin neman shiga Euro 2024 ta koma ta biyu.

Brazil wadda take matakin farko ta koma ta uku, Ingila wadda ta ci Italiya da Ukraine tana ta biyar da Sifaniya a jerin ’yan 10 farko.

Jerin goman farko a Fifa

1 Argentina

2 France

3 Brazil

4 Belgium

5 England

6 Netherlands

7 Croatia

8 Italy

9 Portugal

10 Spain

Super Eagles wadda Jose Pesseiro ke jan ragama ta yi kasa a jadawalin tawagogin da ke kan gaba a taka leda a duniya.

Najeriya wadda ta je ta ci Guinea Bissau 1-0 a watan jiya a wasan cikin rukuni a neman shiga kofin Afirka tana ta 40 a duniya, wadda take ta 35 a Disamba.

A nahiyar Afirka kuwa Super Eagles wadda take ta biyar a baya yanzu Masar ta karbi gurbin, Najeriya ta yi kasa zuwa ta shida.

Itama Kamaru ta yi kasa daga mataki na hudu a baya yanzu tana ta bakwai a Afirka.

Jerin 10 farko a tamaula a Afirka

1 Morocco

2 Senegal

3 Tunisia

4 Algeria

5 Masar

6 Najeriya

7 Kamaru

8 Ivory Coast

9 Burkina Faso

10 Mali