Gwamnatin Jihar Kano, ta dauki alarammomi 60 aikin koyarwa a makarantun tsangaya da ke jihar.
Da yake mika wa alarammomin tarkadun kama aiki, Gwamna Abdullahi Ganduje ya bukace su da su kara himmatuwa wurin koyar da ilimin Al-kur’ani.
Ganduje, yayin bikin rarraba kayan koyo da koyarwa na Naira biliyan 1.5 ga makarantun firamaren jihar, ya jaddada kudurin jihar na bunkasa ilimi a kowane mataki.
A nasu bangaren, alaranmomin sun bayyana godiyarsu ga Gwamnatin Jihar Kano bisa damar da suka samu kuma sun kuduri niyyar bawa mara da kunya.
