✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

EU ta yi Allah wadai da harba makami mai linzami kan Japan

Wannan ba komai bane face takalar fada.

Kungiyar Tarayyar Turai (EU) ta bi sauran takwarorinta wajen yin Allah wadai da matakin da Koriya ta Arewa ta dauka na harba makami mai linzami a sararin samaniyar Japan a ranar Talata.

A cewar kakakin kungiyar wannan ba komai bane face takalar fada, wanda ya yi hannun riga da ka’idojin kwamitin sulhu na Majalisar Dinkin Duniya.

EU ta ce dole ne Koriya ta Arewa ta guji harba makamai a sararin samaniyar wasu kasashe, bugu da kari ta kuma ba da damar hawa teburin sulhu domin tattauna duk wasu matsaloli da take da su a game da kasar ta Japan.

Kazalika EU ta kuma bukaci kwamitin sulhu na Majalisar Dinkin Duniya da ya duba da ma daukar mataki a kan irin barazanar da wannan harba makamai ke daga kasashe makwabta da ma batun tsaron yankin baki daya.

Wannan shi ne karon farko a cikin shekaru biyar da Koriyar ke harba wa Japan makami mai linzami, lamarin da ya sa ake tunanin akwai wata jikakiya a kasa.

Makamin mai linzamin wanda ya ci tafiya mai tazarar kilomita 4,500 zuwa 4,600 ya fada a Tekun Pacific.