An samu karin wadanda aka tabbatar sun kamu da cutar coronavirus mutum 49 a Najeriya.
Ashirin da uku daga cikinsu a jihar Legas suke, 12 a Yankin Babban Birnin Tarayya, 10 a Kano, biyu a Ogun, daya a Oyo.
Hukumar Yaki da Cututtuka Masu Yaduwa ta Najeriya (NCDC) ce ta bayyana hakan a wani sako da ta wallafa a shafinta na Twitter.
“Zuwa karfe 10.40 na daren 18 ga watan Afrilu akwai mutum 541 wadanda aka tabbatar sun kamu da COVID-19 a Najeriya”, inji hukumar.
Ta kuma ce a cikin wannan adadi an sallami mutum 166 wadanda suka warke, yayinda mutum 19 suka riga mu gidan gaskiya.
