✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

An yi wa Yusuf Buhari baiko a Fadar Sarkin Kano

Tawagar Gwamnoni ta nema wa Yusuf auren Zarah Nasir Ado a hannun Sarkin Kano.

A ranar Lahadi ne wasu Gwamnonin Najeriya suka yi dafafi a Fadar Sarkin Kano, Alhaji Aminu Ado Bayero, wajen nema wa dan Shugaba Muhammadu Buhari aure.

An yi wa Yusuf Buhari baiko da diyar Sarkin Bichi, Nasiru Ado Bayero, inda tawagar gwamnonin bisa jagoranci Gwamna Abubakar Badaru na Jihar Jigawa ta wakilci iyalan Shugaba Buhari a matsayin masu nema.

Tawagar wakilan ta nema wa Yusuf auren Zahra Nasir Ado Bayero a hannun Sarkin Kano, kasancewarsa waliyyinta kuma yaya ga Sarkin Bichi.

Aminiya ta samu rahoton cewa, za a gudanar da shagalin bikin auren a tsakanin watan Agusta zuwa Satumbar bana.

Tawara da ta ta yi wad an shugaban kasar wakilci ta hada da Gwamna Atiku Bagudu na Jihar Kebbi, Ministan Shari’a, Abubakar Malami, Gwamna Babagana Zulum na Jihar Borno da tsohon Gwamnan Zamfara, Abdulaziz Abubakar Yari.

Sauran ’yan tawagar sun hada da tsohon Gwamnan Jihar Borno, Ali Modu Sherrif, tsohon Gwamnan Jihar Ogun, Ibikunle Amosun da kuma Mataimakin Gwamnan Kano, Nasiru Yusuf Gawuna.

Bayanai sun ce daga bisani tawagar ta garzaya garin Bichi inda ta gaishe da Sarki kuma mahaifin wacce ake neman auren a wurinsu.